Anonymous asked:

اولا انت إنسان جميل جدا :) و ثانيا عندي طلب صغير فيك تنصحني بأفلام مصرية رائعة ؟ لاني مش متابعة للأفلام المصرية عموما بس من كتاباتك لاحظت انه في منها اله معنى و رسالة ، ممكن ؟

مساء الفل :)

الأرض - المومياء - باب الحديد - شباب امرأة - بداية ونهاية - سواق الأتوبيس - غزل البنات - الفتوة - الناصر صلاح الدين - اللص والكلاب - الزوجة الثانية - أم العروسة - القاهرة 30 - الطوق والإسورة - الكيت كات - صراع في الوادي - البريء - ميرامار - زوجة رجل مهم - إسكندرية ليه - زوجتي والكلب - مراتي مدير عام - أحلام هند وكاميليا - العصفور - ثرثرة فوق النيل - عودة الابن الضال - المهاجر - الاختيار - ليه يا بنفسج - العار - خرج ولم يعد - بين السما والأرض - غروب وشروق - قنديل أم هاشم - أغنية على الممر - الحب فوق هضبة الهرم - سوبر ماركت - امرأة في الطريق - أبناء الصمت - الأفوكاتو - سي عمر  - حدوتة مصرية - صراع في النيل - إمبراطورية ميم - ليلة ساخنة - الدنيا على جناح يمامة - كشف المستور - الهروب - ضد الحكومة - طائر على الطريق - مشوار عمر - إشارة مرور

لما تخلصي دول ابعتيلي وأحاول أقولك كمان إن شاء الله :)

Anonymous asked:

ردا علي موضوع الجواز"ممكن ميكونش الناس ولا المشي وراء القطيع ،ممكن يكون خوف أخاف أكبر لوحدي ألاقي نفسي محتاجة حد يسأل عليا ومفيش حد فاضي ل حد أنا مش ب برر ان الواحدة تتجوز وخلاص أنا بتكلم عن الأسباب اية المشكلة اني أتجوز واحد كويس وخلاص هعيش معاة مرتاحة وهو مرتاح إني أقضي عمري وحيدة دي حاجة مميتة"

مبدئيًا إحنا كنا بنتكلم عن نظرة المجتمع، وده مالوش علاقة أبدًا بوجهة نظرك الخاصة جدًا في فكرة الجواز نفسها، وخوفك أو أسبابك اللي بتدفعك لاختيار شريك حياتك.. أنتي حرة اتجوزي زي ما أنتي عايزة، حتى لو شايفه إن الحب ده تحصيل حاصل وبييجي بالعشرة.. اختياراتك تحمليها بمفردك، لانها لا تعني للبشرية شئ ولا هاتضرهم في شئ طالما أنتي ارتضيتي ده.. كل اللي عليكي انك ماتعتبريش وجهة نظرك الخاصة دي قانون ومبرر المفترض نقنع بيه خلق الله بفكرة الجواز أو اختيار الزوح.

بكرر، إحنا بنتكلم عن النظرة المجتمعية للبنت ولفكرة الجواز نفسها.. الجهل عام، التسطيح العام، البؤس العام، غير كده ممكن ترمي نفسك في البحر بإرادتك، وتأكدي إن محدش هايقولك عملتي كده ليه :)

Anonymous asked:

بكره فكرة ان البنت لازم تتزوج حتى وان كانت مش عايزه عشان سمعة العيلة أو سبب آخر أحمق، هي ليه مشكلة البنت تضل لحد ال٣٥ عازبة؟

وايه المشكلة انها تفضل العمر كله من غير جواز؟
عارفه فين المشكلة؟ إننا مجتمع بتحركة العادات والتقاليد حتى لو كانت كُفر، وفاقد الثقة في ذاته لدرجة إنه بيربط كل خطواته بنظرات الآخر.. منتظرة إيه من مجتمعات أصلا فقدت هويتها، وطموحها، وأفكارها.. فقدت حتى متع الخيال والحب، بيتعاملوا مع كل شئ مهما كان عزيز كـ سلعة.. بيفكروا في النيش ومحتوياته ومابيشغلشوش نفسهم البيت فيه مكتبة أو لأ.. عقول استهلاكية ونفوس هشة - ضعيفة

منتظرة إيه من مجتمع تحول لـ مجرد مسوخ! بنقلد وبس!.. بيمشي ورا الجموع زي القطيع ومكتفي.. بؤس والله

5oza3balaty asked:

هو أنا كده بقاوم ولا بستمتع؟؟

لو بتسأل عن هوايا، فأنا بعتبر المقاومة في حد ذاتها متعة، إذا امتلكت أدواتها أو على الأقل قناعاتها، لكن أنا حسيت إنك بتحاول تقاوم كما طير جريح في الخلا، بائس - حزين - مكسور.. طب وبعدين، فين المتعة بقى؟

وسآتيك كما في كلِ ليلة. أدخل الشبَّاك في الحُلم. وأرمي لك فُلّة

وسآتيك كما في كلِ ليلة. أدخل الشبَّاك في الحُلم. وأرمي لك فُلّة

اللهم ارزقنا حُب وداد لـ زين في فيلم هستيريا

أدعية دوت كوم

mymagicalspace asked:

وأنا أحتسي مدامع قلبي""... إزاي فيه كده يعني ؟! الأمير عبد الله الفيصل عرف يجيب التعبير ده إزاي في قصيدة من أجل عينيك هاه؟! أنا قاعدة بحاول أشرح لنفسي إزاي تيجي دي مش عارفة .. عندك انت تفسير ؟!

طب عندك أنتي تفسي لده:ـ
ملئتُ لي درب الهوى بهجةً

كالنورِ فى وجناتِ صبح ندي